F.B.
Ish ylli i AC Milanit Mario Balotelli ka goditur rëndë Serie A, duke pretenduar se niveli në Turqi është më i lartë.
Italiani tha se ka shikuar disa ndeshje italiane edicionin e kaluar dhe niveli në Turqi si dhe ambiciet janë më të larta.
“Vitin e kaluar shikova disa ndeshje të Serie A, por duke i krahasuar me ato që luajtëm në Turqi, mendoj se niveli është më i lartë se në Itali”.
“Serie A nuk është një kampionat i dobët, por niveli i kampionateve tjera po rritet”.
Balotelli ndër të tjera deklaroi se vite më parë refuzoi oferta të ‘çmendura’ ekonomike nga Kina, që janë më të larta se këto në Arabi.
“Kam refuzuar një ofertë kineze që është më e lartë se këto vlera në Arabi. Nuk pendohem, preferoj të luaj futboll dhe të qëndroj në Marseille. Nuk e di çfarë do të bëj në të ardhmen, por si mund të thoni se dikush shkon në Arabi por jo për para? Nëse do të ofronin pak para, lojtarët nuk do të shkonin aty”.
