Ballkani e ka dërguar në Suharekë edhe trofeun e dytë brenda një periudhe të shkurtër. Këtë herë atë të Superkupës së Kosovës.
Në ndeshjen e cila u zhvillua në stadiumin “Titanic Belek Futbol Center”, në Turqi, suharekasit kanë mposhtur skuadrën e Llapit. Kampioni aktual ka fituar me rezultat minimal 1-0, por të mjaftueshëm sa për të marrë edhe një kupë.
Ballkani ka dominuar po pa mundur të bëjë shumë në aspektin e golave.
Golin e vetëm ka realizuar shënuar futbollisti Lumbardh Dellova në minutën e 62-të.
Për gjashtëdhjetë minuta llapjanët kanë luajtur me një lojtar më pak pasi Bekim Maliqi u ndëshkua me karton të kuq.
Ballkani ishte pjesë edhe e edicionit të Conference League, ku ani se nuk arriti të kalojë në gjashtëmbëdhjetë ekipet më të mira, prapë se prapë bëri paraqitje të suksesshme, duke nxjerrë fitore e barazime ndaj skuadrave si Sivasspor, Slavia Prague e Cluj.
