Deputetja e LDK-së, Hykmete Bajrami, ka ngritur sërish shqetësimin në lidhje me atë që ajo i quajti “kontrata sekrete”, të cilat janë nënshkruar gjatë qeverisjes së kryeministrit Albin Kurti.
Në Facebook, deputetja Bajrami ka shkruar se brenda një periudhe të shkurtër prej tre muajsh janë nënshkruar 108 kontrata përmes procedurës së negociuar pa publikimin e njoftimit për kontratë, me një vlerë totale që kap më shumë se 30 milionë euro.
Ajo i bëri thirrje kryeministrit Kurti që të përballet me qytetarët dhe të shpjegojë veprimet e tij, ndërsa i kërkoi Prokurorisë Speciale të ndërhyjë urgjentisht për të trajtuar këto akuza për korrupsion dhe abuzim me paranë publike.
ADVERTISEMENT
