F.B.
Kryetari i Sindikatës së Punëtorëve të Sektorit Privat, Jusuf Azemi në një konferencë për media ka listuar problemet në sektorin privat ku ka thënë se është bere një treg i çrregulluar.
Azemi gjithashtu theksojë se nuk ka asnjë lëvizje nga Qeveria e Kosovës për pagën minimale.
“Nga qeveria e Republikës së Kosovës më nuk kemi asnjë lëvizje për pagën minimale, ju e dini paga minimale është në ende në gjykatën kushtetuese. Paga minimale është ajo e vitit 2011, ne e kemi propozuar qeverisë së Kosovës dhe pronareve të bizneseve që të ulemi dhe të bisedojmë. Megjithatë qeveria dhe pronaret nuk kanë qenë të interesuar”, ka thënë Azemi.
Kryetari Azemi u shpreh se ikja e punëtorëve nga Kosova është në numër të madh, gjersa akuzojnë Qeverinë që nuk po bëjnë asgjë për të parandaluar këtë fenomen.
Ai tha se rreth 500 punëtorë nga Bangladeshi punojnë në Kosovë.
“Ne e kemi humbur betejën në parandalimin e ikjes se punëtoreve nga vendi, Kosova është një vend ku punëtorët nga Bangladeshi po operojnë më numër të madhe, sipas informacioneve kemi rreth 500 punëtorë të pranishëm në Kosovë.
Ata nuk vijnë për të punuar por të shfrytëzojnë Kosovën si transit për ikje në perëndim”, tha ndër tjerash ai.
Ai gjithashtu u shpreh se punëtoret e sektorit privat nuk kanë ende as sigurim shëndetësorë dhe kjo është njëra prej pikave kyçe që punëtorët po ikin drejt perëndimit për të punuar.
