Austria ka arritur të marrë tri pikët e para në këtë edicion të “EURO 2024”.Kombëtarja austriake triumfoi ndaj Polonisë me shifrat 3-1.
Së pari, serinë e golave e hapi qendërmbrojtësi Taurner në minutën e nëntë të ndeshjes, pas një goditje me kokë.
Polakët kërkuan penallti në minutën e 18-të, por gjyqtari turk Hamir Umutmeler nuk mendoi ashtu.
Në minutën e 30-të, trysnia e polakëve arriti qëllimin, pasi asistimi i Jan Bednarek gjeti Krzysztof Piatekun që shënoi për 1-1.
Edhe pse të dy skuadrat kishin raste në pjesën e parë, gola të tjerë nuk u shënuan.
Pjesa e dytë i takoi plotësisht austriakëve, duke arritur të marrin epërsinë në minutën e 66-të, me Alexander Prass që asistoi te Christoph Baumgartner, i cili shënoi për 2-1.
Në minutën e 77-të, Wojciech Szczesny ndali në zonë Marcel Sabitzerin dhe gjyqtari akordoi penallti.
Nga pika e bardhë ishte i saktë Marko Aranutvic që shënoi për 3-1.
Deri në fund, Austria kishte disa raste të mira, por që rezultati nuk ndryshoi më.
Austria ka 3 pikë, sa Franca dhe Holanda që luajnë sot me vete. Polonia është e fundit pa pikë.
