F.B.
Aston Villa do të duhet të kapërcejë një deficit prej dy golash të martën në mbrëmje, kur do të presë Paris Saint-Germain në ndeshjen e dytë të çerekfinales së Ligës së Kampionëve.
PSG ishte fitues 3-1 gjatë ndeshjes së parë në “Parc des Princes”, me golat e Desire Doue, Khvicha Kvaratskhelia dhe Nuno Mendes, ndërsa për anglezët shënoi Morgan Rogers.
Skuadra angleze përballet me një betejë të vështirë për të arritur në gjysmëfinale, por do të shpresojë që mbështetësit e tyre vendas të mund të bëjnë diferencën pasi kërkojnë një rikthim të paharrueshëm.
Për këtë ndeshje, Unai Emery, ka vendosur të luajë me emra si Rashford dhe Rogers.
Në anën tjetër, Luis Enrique, i ka besuar emrave si Kvaratskelia, Dembele dhe Barcola.
Aston Villa: Martinez, Cash, Digne, Kamara, Konsa, McGinni, Onana, Rashford, Rogers, Tielemans.
PSG: Donnarrumma, Barcola, Dembele, Hakimi, Kvaratskelia, Marquinhos, Mendes, Neves, Pacho, Ruiz, Vitinha.
