Pavel Durov, themeluesi dhe CEO i aplikacionit të mesazheve Telegram, u arrestua në aeroportin Bourget jashtë Parisit, raportuan mediat franceze, duke cituar burime të paidentifikuara, dhe do të dalë në gjykatë të dielën.
Durov, 39 vjeç, me origjinë ruse, themeloi Telegram me vëllain e tij në vitin 2013 dhe aplikacioni i koduar i mesazheve është me ndikim në Rusi, Ukrainë dhe republikat e ish-Bashkimit Sovjetik.
Shefi ekzekutiv i Telegram, Pavel Durov pritet të dalë në gjykatë të dielën pasi u arrestua nga policia franceze në një aeroport afër Parisit për shkelje të dyshuara në lidhje me aplikacionin e tij popullor të mesazheve, thanë burimet për AFP.
Miliarderi franko-rus, 39 vjeç, u arrestua në aeroportin Le Bourget në veri të kryeqytetit francez të shtunën në mbrëmje, tha një nga burimet, duke folur në kushte anonimiteti.
Durov kishte mbërritur nga Baku, në Azerbajxhan, tha një tjetër burim i afërt me rastin.
OFMIN e Francës, një zyrë e ngarkuar me parandalimin e dhunës ndaj të miturve, kishte lëshuar një urdhër arresti për Durov në një hetim paraprak për vepra të supozuara, duke përfshirë mashtrimin, trafikun e drogës, bullizmin kibernetik, krimin e organizuar dhe promovimin e terrorizmit, tha një nga burimet.
Durov akuzohet se nuk ka ndërmarrë veprime për të frenuar përdorimin kriminal të platformës së tij.
“Mjaft me mosndëshkimin e Telegramit,” tha një nga hetuesit, duke shtuar se ata ishin të befasuar që Durov erdhi në Paris duke e ditur se ai ishte një njeri i kërkuar.
