F.B.
Ambasadorja e Izraelit, Tamar Ziv është shfaqur me bluzë të ekipit kosovar të futbollit në një video të publikuar në “X”.
Ziv iu ka uruar fat Kosovës dhe Izraelit, që sonte luajnë në stadiumin “Fadil Vokrri” në Prishtinë, në kuadër të kualifikimeve për Kampionatin Europian të vitit të ardhshëm.
“Të dashur miq nga Izraeli në Kosovë, sonte në ‘Fadil Vokrri’ në Prishtinë Kosova do ta presë Izraelin”, tha ambasadorja Ziv.
ADVERTISEMENT
Ajo shfrytëzoi këtë rast për ta përgëzuar Kosovën që së fundmi u votua të jetë nikoqire e Lojërave Mesdhetare në vitin 2030.
Ndërsa për sonte, ambasadorja izraelite tha se pret “një ndeshje të madhe”, duke uruar që të fitojë “ekipi më i mirë”.
