Drejtori i përgjithshëm i RTK-së, Shkumbin Ahmetxhekaj, në “Mirëmëngjesi Kosovë, me rastin e 24 vjetorit të themelimit të saj, ka folur për punën, sukseset, sfidat dhe problemet që e kanë përcjellë dhe e përcjellin këtë institucion publik.
“Ky 24 vjetor e gjen RTK-në në mesin e shumë zhvillimeve të cilat do ta përcaktojnë të ardhmen e transmetuesit publik. Ne jemi në fazën shumë kritike për zhvillimin e gjithëmbarshëm të RTK-së, kemi hyrë në një proces të reformës që do të konkretizohet shumë shpejtë dhe, njëkohësisht, jemi duke u përpjekur që të sigurojmë buxhet adekuat për vitin 2024. Pra kemi nevojë për një buxhet të qëndrueshëm i cili bazohet në ligj e jo, thjeshtë, të kemi një subvencion, i cili varet nga vullneti i disa politikanëve të caktuar, kushdo qofshin ata”, deklaroi Ahmetxhekaj.
Ai theksoi se është me rëndësi që këto procese të konkretizohen gjatë këtyre muajve.
“Në njëfarë forme, të krijojmë më shumë siguri edhe financiare, por edhe për punëtorët që janë brenda transmetuesit publik, në mënyrë që të rritet programi qoftë në radio apo televizion e të përmirësohet cilësia edhe në media online”, theksoi ai.
Sipas tij, qytetarët nuk kanë shumë shqetësim se çfarë sfidash janë brenda. “Ata duan të kenë program të mirë, të dëgjojnë e të lexojnë diçka të mirë në ËEB. Prandaj ky është misioni ynë që ia kemi përcaktuar vetes, që, pavarësisht kushteve të vështira, ta përmirësojmë kualitetin e programit”, tha ai.
Ahmetxhekaj përkujtoi edhe sfidat, të cilat janë të mëdha, që ka nevojë për mbështetjen e Kuvendit të Kosovës, si themelues i Radiotelevizionit të Kosovës.
“Kemi hyrë në një fazë që detyrimisht ka për të sjellë ndryshimin për të cilën kam ëndërruar qëkur kam marrë mandatin si drejtor i përgjithshëm i këtij mediumi”, deklaroi, Ahemtxhekaj.
Duke folur për pronën, Ahmetxhekaj tha se ka lëvizje pozitive në këtë aspekt, por ende nuk është konkretizuar gjithçka, derisa shtoi se është një këshill ndërshtetëror që po merret me këtë çështje.
Ai, duke folur për synimet në RTK tha se së shpejti do të kthehen serialet në këtë medium publik, derisa shtoi se së shpejti do të ketë një “shoë televiziv”, pastaj do të ketë risi edhe në fushën e sportiti, ku RTK do të ketë “Ligën e Kampionëve”, etj.
“Informacioni, programet edukative janë obligim i yni, që do të thotë se ne kemi staf të mjaftueshëm që ta bëjmë këtë dhe mendoj se jemi duke bërë mirë, por, duke pasur një buxhet të përcaktuar, mendoj që mund të rrisim kualitetin e programit në aspektin e programeve argëtuese, etj”, deklaroi, mes tjerash, drejtori i përgjithshëm, Shkumbin Ahmetxhekaj. /RTKlive
