F.B.
Përzgjedhësi i Kombëtares së Kosovës U21, Afrim Tovërlani ka publikuar listën e futbollistëve të ftuar për dy ndeshjet miqësore e muajit nëntor ndaj Maqedonisë së Veriut.
Dardanët e rinj do të luajnë dy ndeshjet miqësore me Maqedoninë e Veriut në këtë muaj.
Fillimisht, djelmoshat e Tovërlanit do të luajnë të enjten me 14 nëntor nga ora 13:00, pastaj të dielën, më 17 nentor nga ora 12:00.
Për këto dy ndeshje, përzgjedhësi i Kosovës U-21 ka ftuar plotë 25 futbollistë, ku nuk mungojnë emrat që luajnë në futbollin e Kosovës.
Mustafë Avdullahu, Dion Gallapeni, Etnik Brruti, Laurent Xhylani, Igball Jashari dhe Hekuran Berisha janë vetëm disa nga lojtarët që luajnë në Superligë.
Të dy këto ndeshje do të zhvillohen në Kampin e Federatës së Maqedonisë së Veriut, ndërsa më poshtë keni listën e futbollistëve të ftuar.
