Deputeti pa grup parlamentar, Haki Abazi në emisionin “DPT te Fidani” në Klan Kosova, duke folur për zgjedhjet në ShBA, ai u shpreh se Joe Biden ka ndihmuar në lirimin e babait të tij nga burgu në Serbi.
Abazi tha se më pas komunikimi mes tyre ka vazhduar, siç u shpreh, nëpërmjet njerëzve të përbashkët.
“Sado që mund ta konsiderojë mik presidentin Biden, sepse më ka ndihmuar drejtpërdrejt për lirimin e babait nga burgu në Serbi, drejtpërdrejt kur ka qenë zëvëndëspresident i Obamës. E kam njohur prej vitit 2002, kemi vazhduar komunikimin nëpërmjet njerëzve të përbashkët, të cilët kanë qenë në funksion edhe të proceve këtu”.
“Unë jam i kënaqur që Biden, si qytetar edhe i globit, por edhe si shtetas amerikan që Biden ka gjetur kurajon të lirojë rrugën dhe të ketë kandidate si Kamala Harris”, u shpreh tutje ai.
