Drafti për Asociacionin po vazhdon të mbetet larg syrit të publikut, partive opozitare e shoqërisë civile, përkundër kësaj “mbyllje”, kreu i AAK-së Ramush Haradinaj u tha sot mediave se e ka parë draftin dhe ka pasur rast ta lexojë në tërësi. Këtë deklaratë e tha pas takimit me emisarin e Bashkimit Evropian për dialogun Kosovë – Serbi, Miroslav Lajça. Por PDK e LDK nuk treguan detaje sikurse Haradinaj. I kontaktuar nga Gazeta Express, nënkryetari i LDK-së Lutfi Haziri për këtë çështje tha se “duhet respektuar kodi i takimit”.
Sidoqoftë, në detaje nuk është lëshuar nënkryetari i LDK-së Lutfi Haziri, i cili ka marrë pjesë në takimin e opozitës me emisarin sllovak. I pyetur nëse Lajçak ua ka prezantuar Draftin në takimin e përbashkët, meqë Haradinaj ka dhënë detaje për të, Haziri ka thënë se “bëhet fjalë për respektim të kodit të takimit”.
“Tjetër çëshjtje është ajo..Duhet ta respektojmë kodin e takimit”, tha Haziri.
