Aeroplanët ushtarak amerikan mund të fillojnë hedhjen e ndihmave në Gazë nga ajri pasi dërgesat tokësore po bëhen gjithnjë e më të vështira, ka thënë një zyrtar amerikan.
Axios, i cili raportoi për herë të parë se SHBA-ja po shqyrton hedhjen e ndihmave nga ajri, citoi zyrtarët amerikan të thonë se “ndihmat ajrore do të kenë një efekt të kufizuar pasi një aeroplan ushtarak mund të bart një sasi të furnizimeve të barabartë me një ose dy kamionë”.
Të dhënat tregojnë se vëllimi i përgjithshëm i ndihmave humanitare që hynë në Gazë, ka rënë përgjysmë gjatë muajit shkurt, në krahasim me muajin janar, shkruan skynews, përcjell Telegrafi.
Ndryshe, rreth një e katërta e popullsisë në Gazë është një hap larg krizës së urisë, sipas Zyrës së OKB-së për Koordinimin e Çështjeve Humanitare.
Eksperti i emëruar nga OKB-ja për të drejtën e ushqimit, Michael Fakhri, ka akuzuar Izraelin për “privimin e qëllimshëm të njerëzve nga ushqimi”.
Por, zëvendës amabasadori i Izraelit në OKB, Jonathan Miller, tha se vendi i tij ishte i përkushtuar për të përmirësuar situatën humanitare në Gazë, dhe se sasia e ndihmës varet nga kapaciteti i OKB-së dhe organizatave tjera.
