Jose Mourinho raportohet se ka refuzuar një afrim nga Chelsea derisa ai pret që ta definojë të ardhmen e tij me Romën
E ardhmja e trajnerit 60 vjeçar portugez ka qenë një temë shumë e diskutuar muajve të fundit, me kontratën e tij të tanishme që pritet të skadojë me klubin në qershorin e vitit të ardhshëm. Ai është lidhur me disa klube të tjerë, përfshirë kombëtaren e Brazilit dhe skuadrën e Paris Saint-Germain.
Mourinho na ka rikujtuar shumë kualitete të tij gjatë qëndrimit në Romë, duke bërë që ata ta fitojnë për herë të parë një trofe europian, pasi që sezonin e kaluar fitoi Ligën e Konferencës. Gjërat kanë qenë paksa më të vështira për të këtë sezon, por Roma ka arritur në gjysmëfinale të Ligës së Europës.
Siç raporton Corriere dello Sport, Mourinho është kontaktuar nga një drejtor i Chelsea, i cili ka dashur që të diskutojë mundësinë që ai ta marrë në drejtim skuadrën nga Londra Perëndimore.
Trajneri portugez e ka bërë të qartë që ai nuk është i interesuar për këtë gjë dhe së dëshiron që të takohet me pronarin Dan Friedkin dhe të qëndrojë në Romë.
