Ministri për Komunitete dhe Kthim, Nenad Rashiq ka thënë se ndaj qytetarëve serbë në veri të vendit po ushtrohet presion i madh, raporton Rtklive.
Pas mbledhjes së qeverisë, në adresimin pra mediave derisa foli për bojkotin e zgjedhjeve në veri nga ana e qytetarëve serbë, ai tha se këta të fundit po përdoren nga Serbia.
“Kjo që ka ndodhur në fundjavë është një sfidë. Është një planifikim ose një vazhdimësi e keqpërdorimit të qytetarëve serbë nga një regjim autokratë që i përdorë serbët për arritjen e qëllimeve të veta dhe nuk e kuptoj se çfarë po përpiqen të bëjnë.
Marrëveshja e Ohrit ka qenë një bazë shumë e mirë për të vazhduar pajtimin. Qytetarët serbë më së shumti do të humbin nëse nuk e zbatojnë një marrëveshje të tillë
Unë shumë shpesh po bisedojë me përfaqësues në veri. Ende u mungon një guxim personal që të vazhdojnë një hap përpara drejtë zhvillimit. Por duhet të kuptojmë që në atë pjesë presioni është maksimal”, ka shtuar ai.
