FB
Të hënën rreth orës 03:40 në rrethana të panjohura është përfshirë nga zjarri një eskavator në Zveçan. Lidhur me këtë rast ka folur për Gazetën Express, Veton Elshani, Zëvendësdrejtori Rajonal për Regjionin e Mitrovicës Veriore në Policinë e Kosovës.
Zëvendësdrejtori Elshani, tha se eskavatori është në pronësi të një shqiptari dhe i njëjti punon në atë zonë që një vit.
‘’Është i një pronari shqiptar, i cili aty ka qenë me një kontratë të BE-së për komunitet. Punon qe një vit në atë zonë’’ tha Elshani. Ai tha se policia po merret me hetimin e rastit.
Rasti në polici është hapur si ‘’zjarrvënie’’.
‘’ZJARRVËNIE/Zveçan 24.04.2023 – 03:40. Raportohet se në rrethana të panjohura në zjarr është përfshirë një eskavator. Zjarrfikësit kanë shuar zjarrin, nuk raportohet për të lënduar. Rasti është duke u hetuar’’, thuhet në raportin 24 – orësh të PK-së.
