FB
Euro 2024 do të mbahet prej 28 nëntorit deri më 15 dhjetor në Austri, Hungari e Zvicër. Për herë të parë në Kampionat Evropian të hendbollisteve do të paraqiten 24 ekipe kombëtare.
Kosova është një prej 32 përfaqësueseve që do të paraqiten në kualifikime. Shorti i kualifikimeve do të tërhiqet të enjten e ardhshme, më 20 prill, nga ora 17:00. Ceremonia e shortit do të mbahet në Cyrih të Zvicrës.
Pritet të formohen tetë grupe me nga katër ekipe kombëtare, ndërsa gjasa për kualifikim ka edhe nga vendi i tretë.
Austria, Hungaria dhe Zvicra kualifikohen si nikoqire, ndërsa në kualifikime pritet të jenë të gjitha përfaqësueset e mëdha të kontinentit.
Përfaqësuesja jonë arriti deri në fazën e dytë kualifikuese për Botërorin 2023, ku u ndal nga Polonia.
Deri më tani Evropiani i hendbollisteve është mbajtur me 16 përfaqësuese. Nga edicioni i ardhshëm numri i përfaqësuesve do të jetë 24 dhe kjo rritje ofron mundësi dukshëm më të mëdha për kualifikim.
