Kanë përfunduar tri ndeshjet e fundit të javës së 28-të në elitën e futbollit kosovar.
Prishtina ka bërë një hap prapa në garën për të siguruar një vend që dërgon në garat evropiane.
Prishtinasit u mposhtën nga Dukagjini, me rezultat 1-2, të dielën në ‘Fadil Vokrri’, në sfidën kryesore të kësaj fundjave.
Klinasit mirë e nisen duelin me prishtinasit dhe vetëm pas 12-të minutave lojë, kaluan në epërsi falë autogolit të Usein.
Të besuarit e Debatik Currit shumë shpejtë u rikthyen në lojë përmes Pefqelit (29’), rezultat më të cilin skuadrat shkuan në pushim.
Lojë e kënaqshme është zhvilluar edhe në fraksionin e dytë. Skuadra e Armend Dallkut më anë të Merlakut (60’), kalon në epërsi prej 1-2, rezultat më të cilin edhe u mbyll ky duel. Pas kësaj fitore, Dukagjini ka 38 pikë, aq sa ka edhe Prishtina.
Ndërkohë, Llapi e ka mposhtur Drenicën, me rezultat 4-0, në ‘Zahir Pajaziti’. Progni (6’), Firmino (42’), Alidema (82’) dhe Kurtaj (4-0), shënuan nga një gol për fitoren e llapjanëve të cilët tani kanë 39 pikë dhe futën në ‘katërshen’ e madhe të Superligës, kurse, Drenica mbetet e fundit në tabelë me 23 pikë dhe me pak gjasa për të shpëtuar nga më e keqja, rënia nga elita e futbollit tonë.
Tri pikë tejet të rëndësishme në garën për mbijetesë në Superligë, i ka arkëtuar edhe Ferizaj që mundi Gjilani, me rezultat 3-0. Halili (30’) dhe Ramusa (53’), u përkujdesën për fitoren e ferizajasve të cilët tani shkojnë në kuotën e 31 pikëve dhe ngjitët në vendin e tetë, derisa Gjilanin renditet e treta me 40 pikë.