Top-ligat evropiane rikthehen me disa duele tejet interesante.
Premier League, liga më e fortë në Evropë, rikthehet sot pasdite me tetë ndeshjet e javës së 30-të.
Kjo xhiro hapet me duelin Manchester United-Everton, ndeshje kjo që nis në orën 13:30.
Sfidë interesante parashikohet të luhet edhe në përballjen Southampton-Manchester City. ‘Qytetarët’ që me Arsenalin po ‘luftojnë’ për titull të kamponit, llogaritën favorit në duel me Southamptoni, e cila është e fundit në tabelën e elitës së futbollit anglez. Ndeshja Southampton-City fillon në orën 18:30.
Ndërkohë, Frank Lampard me Chelsean do të debutojë në udhëtim tek Wolves, kurse, Tottenham para tifozëve të tyre, do të kërkojë pikët e plota në duel me Brighton.
La Liga vjen sonte me katër ndeshjet e javës së 28-të, ku spikat duel Villareal-Real Madrid.
Duele të ‘nxehta’ sot pritet të luhen edhe në Serie A. Shtatë ndeshje do të luhen sot në kuadër të javës së 30-të në elitën e futbollit italian, ku veçohen përballjet Lazio-Juventus (20:45) dhe Torino-Roma (18:30).
Edhe Bundesliga dhe Ligue 1 vijnë me disa ballafaqime joshëse. Freiburg-Bayern Munich dhe Borussia Dortmund-Union Berlin, janë dy duelet me interesante që luhen në Gjermani, derisa në Francë sfida kryesore luhet mes Nice-PSG.