Sigal Prishtina ka shënuar fitoren e parë në Ligën ENBL. Kjo ishte fitorja e parë pas dy humbjeve në këtë garë.
Ata si mysafirë kanë mposhtur Zielona Gora me rezultat 75 : 89 (22:16, 16:19, 20:23, 17:24) Vendasit e nisën ndeshjen më mirë, duke pasur epërsi prej nëntë pikësh 16:7, ndërsa çerekun e parë e fituan 22:16.
Periudha e dytë ishte më e barabartë, ku prishtinasit në fund ngushtuan shifrat në 38:35, rezultat me të cilin skuadrat shkuan në pushim. Edhe perioda e tretë ishte tërësisht e barabartë, ku asnjëra skuadër nuk arrinte shkëputjen, ndërsa kjo pjesë përfundoi me një treshe nga Dardan Berisha për 58:61.
Megjithatë, në dhjetë minutat e fundit dhe vendimtare, prishtinasit shkëlqyen dhe triumfuan 75:89. Dardan Berisha shënoi gjithsej 28 pikë.
Ndeshjen e radhës Sigal Prishtina e zhvillon sot nga ora 18:30 ndaj Polski Cukier Start Lublin.
