UEFA në takimin e mbajtur në Lisbonë nuk ka marrë vendim për të ndaluar Bjellorusinë nga garat e saj për shkak të mbështetjes së agresionit rus ndaj Ukrainës. Kjo pavarësisht presionit nga ligjvënësit e Bashkimit Evropian.
Megjithatë tani për tani Bjellorusisë i është hequr vetëm e drejta e organizimit të Kampionatit Evropian të Femrave U-19 2025.
“Unë thashë se çështja do të diskutohej dhe se vetëm Komiteti ekzekutiv mund të merrte një vendim dhe askush tjetër”, ka thënë presidenti i UEFA-s, Aleksander Ceferin. “Kemi pasur një diskutim, kemi hequr organizimin e Kampionatit Evropian për femra nën 19 vjeç”.
Ai e ka parë qershorin si orar ku mund të merret ndonjë vendim.
“Për pjesën tjetër do të studiojmë situatën dhe do të shohim se çfarë do të vendosim në mbledhjen e ardhshme të komitetit ekzekutiv më 28 qershor”, ka thënë Ceferin.
