FB
Ndeshja e parë gjysmëfinale mes Juventusit dhe Interit ka përfunduar baras, duke mbetur kështu gjithçka hapur për ndeshjen e kthimit.
Derbi italian në Kupën e Italisë përfundoi me rezultatin 1:1. Ndeshja u zhvillua në “Allianz Stadium”.
Juan Cuadrado (83’) shënoi për epërsinë e “Zonjës së Vjetër”, që u duk se po merrte fitoren e parë.
Por, mysafirët fituan një penallti në fundin e ndeshjes, të cilën në gol e shndërroi Romelu Lukaku (90+4’).
Pas këtij goli u tensionua situata, pasi sulmuesi belg provokoi tifozët vendasë.
Mes futbollistëve pati përplasje pastaj, me ç’rast gjyqtari ndëshkoi me karton të kuq Lukakun, por edhe Cuadradon.
Pasi fishkëlleu për fundin e ndeshjes, gjyqtari e ndëshkoi me karton të kuq edhe Samir Handanovicin, që gjithashtu shkaktoi një përplasje me vendasit.
Ndeshja e kthimit do të zhvillohet më 26 prill, në “Guiseppe Meazza”.
