Në Hagë ka nisur gjykimi ndaj ish-krerëve të lartë të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi, si dhe Rexhep Selimi.
Me këtë rast kryetari i Kuvendit Glauk Konjufca, i cili vjen nga Lëvizja Vetëvendosje, parti kjo e cila drejtohet nga kryeministri i Kosovës Albin Kurti, tha se pret që e vërteta të dalë në shesh.
Konjufca tha se tani vendi ynë është duke i vuajtur disa vendime të së kaluarës.
Ai theksoi se themelimi i Speciales e ka dëmtuar Kosovën.
“Nuk mund të gjykohet historia. Me popullin tonë ka ndodhur gjenocidi, ka ndodhur lufta e drejtë, ka ndodhur ndihma ndërkombëtare dhe ka ndodhur liria. Këtë s’mund ta ndryshojë askush. Ne po i vuajmë disa vendime të së kaluarës. Themelimi i Gjykatës Speciale e ka dëmtuar Kosovën”, tha Konjufca.
