Në ditën ndërkombëtare të Teatrove, ministri i Kulturës, Hajrulla Çeku, në një ceremoni zyrtare ka ndarë çmimet vjetore në fushën e teatrit.
Çmimin Kombëtar për Vepër Jetësore në fushën e Teatrit për vitin 2022 e morën aktoret Muradije Muriqi dhe Mejreme Berisha.
Çmimi Vjetor për Shfaqjen më të mirë në fushën e Teatrit për vitin 2022 i është ndarë Qendra Multimedia me shfaqjen “The Handke Project”.
Ndërsa çmimi Vjetor për Regjinë më të mirë në fushën e Teatrit për vitin 2022 e mori Fatos Berisha, me shfaqjen “Pornography”.
Çmimi Vjetor për Aktoren/Aktorin më të mirë në fushën e Teatrit për vitin 2022 i është ndarë llire Vinca në shfaqjen “Babai dhe babai”.
Kurse çmimi Kombëtar për Prezantim të suksesshëm ndërkombëtar në fushën e Teatrit për vitin 2022 i është ndarë Teatrit të Qytetit të Gjilanit.
Anëtar të jurisë janë: Luan Jaha, Agan Myftari, Drita Begolli, Kumrije Hoxha dhe Alban Beqiraj.
