Si pasojë e një aksident trafiku që ndodhi sot në rrugën Prishtinë-Pejë, në fshatin Vragoli tre persona kanë pësuar lëndime trupore.
Zëdhënësi i Policisë së Kosovës, Bajram Krasniqi,la thënë se në aksident janë përfshirë një kamion dhe një veturë, ndërsa ka thënë se kjo e fundit ka dalë nga rruga dhe ka rënë poshtë disa metra, raporton Zeri.info.
“Në ora 13:35, policia është njoftuar për një aksident trafiku të ndodhur në rrugën nacionale Prishtinë-Pejë fshati Vragoli. Në aksident janë përfshirë dy automjete (një veturë dhe një kamion). Si pasojë e aksidentit vetura ka dalë nga rruga duke rënë poshtë disa metra”, ka thënë Krasniqi duke shtuar se tre persona kanë mbetur të lënduar
Po ashtu bëhet e ditur se Policia është duke u marrë me rastin.