Sot është mbajtur mbledhja e Këshillit Drejtues të UP-së, si pikë e rendit të ditës ishte edhe informimi për procesin e konkursit për pozitën e Sekretarit të Përgjithshëm të Universitetit “Hasan Prishtina”, ku u bë e ditur se në këtë pozitë është zgjedhur kandidati Besfort Krasniqi.
Këtë lajm për Gazetën Express e ka konfirmuar Kryesuesi i Këshillit Drejtues në Universitetin e Prishtinës “Hasan Prishtina”, Altin Sahiti kur është pyetur rreth zgjedhjes së Krasniqit.
“Po, sipas propozimit të Rektorit, të bazuar në raportin e komisionit profesional. Ju lutem detajet tjera kerkoni nga Rektorati”, tha Sahiti në një përgjigje me shkrim për Gazetën Express.
Kandidati Besfort Krasniqi që u zgjodh sot sekretar e ka mbajtur këtë pozitë si U.D., nga janari i vitit 2022.
