Mëngjesin e sotëm në Kosovë ka mbërritur gazetarja e pestë afgane, Nadia Gulabzada.
Gulabzada u mirëprit në aeroport nga bashkëkombësja e saj Amina Omid (tanimë e strehuar në Prishtinë prej një jave), nga kryetari i Bordit të AGK-së Xhemajl Rexha, përfaqësuesi i MPB-së Kushtrim Nreci dhe zyrtarë të Policisë së Kosovës.
Kolegët afganë janë strehuar në Kosovë në kuadër të programit “Journalists in Residence – Kosovo”, iniciuar nga “European Centre for Press and Media Freedom” ECPMF, e që financohet nga Qeveria e Republikës së Kosovës. Në kuadër të këtij programi, përveç strehimit, gazetarëve afganë u sigurohen: pagë mujore, shërbime shëndetësore, si dhe biletë kthimi kur rrethanat do të krijohen që të njëjtët të kthehen në shtëpitë e tyre.
“Journalists in Residence – Kosovo” përkrahet edhe nga iniciativa “Hannah Arendt”.
