Numërimi i votave nga diaspora ka vazhduar edhe këtë të hënë me përplasje mes vëzhugesve e zyrtarëve të KQZ-së.
Pikërisht për këtë në “Frontal” i ftuar ishte Egzon Pacolli nga LDK i cili gjatë ditës pati një përplasje me Sami Kurteshin e LVV-së.
Pacolli foli pak për mënyrën e organizimin brenda Qendrës së Numërimit dhe Rezultateve.
“Në sallë janë numëruesit e caktuar nga KZQ dhe vëzhguesit e partive politike por këta të fundit nuk kanë të drejtë aspak të marrin pjesë në numërim nëse nuk ju duket e vlefshme munden me dërgu ankesë”, tha Pacolli.
Ai përshkroi edhe përplasjen verbale me Kurteshin.
“Dje Alban Krasniqi e ka kërcënu një vëzhugese të LDK-së, sot erdh Sami Kurteshi u përplas më një zonjë aty, ajo i shpjegojke që vota nuk është e vlefshme e shpjegojke sipas ligjit, aty filloi incidenti se nisi me i ofendu vëzhugesit”, shtoi ai.
Pacolli tha që anëtarët e KQZ-së kanë të drejtë të jenë në sallë por jo të përfshihen.
