Ka vdekur në moshën 95-vjeçare ylli i Hollivudit, Gene Hackman. Policia e gjeti atë dhe gruan e tij të vdekur në shtëpinë e tyre në New Mexico.
Tash për tash nuk ka asnjë provë për neglizhencë të palëve të treta. Çifti, i cili ishte i martuar që nga viti 1991, u zbulua se ishin të pajetë, ashtu sikurse edhe qeni i tyre. Një zëdhënëse e policisë konfirmoi vdekjen e çiftit dhe kafshës së tyre, por ende nuk janë sqaruar rrethanat e sakta të vdekjes. Sipas raportimeve të mediave amerikane, çifti u gjet gjatë një kontrolli të policisë pasi një fqinj raportoi se ishte i shqetësuar për mirëqenien e tyre.
Hackman ishte ndër aktorët më të mirë të brezit të tij, teksa luajti në dhjetëra drama, komedi dhe filma aksion nga vitet 1960 deri në pensionimin e tij në fillim të viteve 2000.
Në vitin 1971 ai fitoi Oscarin e parë për filmin “The French Connection”, e më pas karriera e tij shkoi shumë përpjetë, teksa në vitin 1992 fitoi një tjetër Oskar për rolin e tij në filmin “Unforgiven”.
