Një vetaksident trafiku ka ndodhur mbrëmë në fshatin Lubozhdë të Istogut, ku si pasojë ka vdekur një 29-vjeçar. Përmes një njoftimi drejtuar mediave, Policia e rajonit të Pejës ka dhënë detaje për rastin.
Sipas Policisë, deri te vetaksidenti është ardhur derisa vozitësi ishte duke qarkulluar në rrugën Istog – Vrellë dhe duke mos iu përshtatur shpejtësisë, ka humbur kontrollin dhe ka dalë nga rruga dhe si pasojë ka vdekur.
“Ju informojmë se më datë 9 shkurt 2023, rreth orës 18:50, Policia është informuar për një vetaksident trafiku, i cili ka ndodhur në fshatin Lubozhdë – Istog. Deri te vetaksidenti ka ardhur derisa i vozitësi ishte duke qarkulluar në rrugën Istog-Vrellë, i njëjti duke mos iu përshtatur shpejtësisë, humb kontrollin del nga rruga dhe si pasojë humb jetën, vdekjen e së cilit e ka konstatuar ekipi mjekësor në vendin e ngjarjes. Me urdhër të prokurorit të Shtetit, trupi i pajetë i viktimës dërgohet në Institutin e Mjekësisë Ligjore në Prishtinë për obduksion”, thuhet në njoftim.
