F.B.
Drita ka arkëtuar tri pikë tejet të rëndësishme në garën për kreun e tabelës.
Gjilanasit e kanë mposhtur bindshëm prej 4-2, Suharekën, të mërkurën në ndeshjen e mbetur të javës së tretë.
‘Intelektualët’ e filluan më mirë takimin, duke krijuar rast pas rasti, teksa u shënua vetëm një gol në 45 minutat e parë.
Arb Manaj realizoi pas asistimit të Blerim Krasniqit, për 1:0 në minutën e 36-të.
Drita edhe në fraksionin e dytë të kësaj sfidë, u shfaq ekip më i mirë duke shënuar edhe tri gola, derisa pësoi dy gola.
Fillimisht Blerim Krasniqi e dyfishoi rezultatin në minutën e 49-të, por Liridon Fetahaj e ngushtoi në 2:1 pesë minuta më vonë.
Albert Dabiqaj u kujdes ta rikthente epërsinë prej dy golave të Dritës në minutën e 57-të, me Besnik Krasniqin në rolin e asistuesit.
Blerim Krasniqi shënoi edhe golin e dytë personal, për rezultatin 4:1 në minutën e 63-të.
Suhareka deri në fund krejt çfarë bëri ishte një gol nga Alden Skrijelj për rezultatin përfundimtar 4:2.
Pas kësaj fitore, barazohet me pikë me liderin Ballkanin, por gjilanasit kanë një ndeshje më pak të zhvilluar, kurse, Suhareka mbetet në vendin e pestë me 18 pikë.
