Profesori Muhamet Kelmendi, ka vlerësuar se Franca është nga shtetet mike që kundërshton hapjen e urës së Ibrit.
Sipas tij, ky vend ka qenë i vetmi që ka reaguar përmes Ministrisë së Jashtme për këtë çështje.
Ai ka thënë se është Franca që ka kriju urën e Ibrit në vitet 1999-2000, por ai ka shprehur besimin që SHBA dhe vendet tjera si Gjermania e Anglia nuk do të lejojnë që ura e Ibrit të jetë një kufij në mes të Kosovës.
“Franca është më se tepërmi që i insiston që ura të mbetet ashtu. Unë besoj dhe kam shpresë të ShBA, Gjermania e Anglia që ura nuk do të mbetet kufi në mes të Kosovës. Nuk mund të themi që z. Kurti nuk e ka ditur rëndësinë që ura e Ibrit ka për amerikanët. Ura e Ibrit e ka më shumë rëndësinë për Francën se sa për ShBA-në. Sepse, ShBA është për hapjen e urës së Ibrit, natyrisht me modalitete dhe bashkërendim të veprimeve, duke gjetur kohën e përshtatshme se kur duhet të hapet pa e futur në dialog me Serbinë dhe këtë duhet ta përshëndesim”, ka thënë ai.
