Drejtori ekzektutiv i KDI-së, Ismet Kryeziu, ka reaguar ashpër kundër konferencës së Vetëvendosjes para Prokurorisë Speciale për rastin e Astrit Deharit.
Ai është shprehur i trishtuar për shfrytëzimin e rastit të Deharit nga VV-ja për të fituar mbështetje politike.
“E trishtueshme të shohim se si një subjekt politik, pavarësisht nëse është në opozitë apo pushtet, gjithnjë në kohë zgjedhjesh, përpiqet të shfrytëzojë jetën dhe vdekjen e Astrit Deharit për të fituar mbështetje politike, duke ndikuar ndjenjat e publikut.” – ka shkruar ai në Facebook.
Më tej, ai ka thënë se përdorimi i rastit Dehari është i paparanushëm dhe mungesë respekti për kujtimin e tij.
“Përdorimi i fatkeqësisë së Astrit Deharit për të manipuluar opinionin publik dhe për të mbledhur një grusht vota është i papranueshëm dhe përbën një mungesë respekti për kujtimin e tij, për institucionet dhe për shoqërinë.” – ka shkruar ai.
Ndryshe, VV-ja ka mbajtur të hënën konferencë dhe aktivitet para Prokurorisë Speciale ku ka shpejguar rastin e Deharit dhe ka kritikuar punën e Prokurorisë Speciale për këtë rast.
