F.B.
19-vjeçari Toby Roberts ka bërë histori për ekipin e Britanisë së Madhe në Lojërat Olimpike të Parisit 2024.
Sot (e premte) pasdite, ngjarja e ngjitjes përfundoi me dy atletë të ekipit britanik në garë për të fituar një medalje.
Adoleshenti Roberts përfundoi duke fituar medaljen e artë pasi atleti japonez Sorato Anraku ra nga muri përpara se të arrinte rezultatin e britanikut.
Roberts iu desh një moment për të kuptuar se çfarë kishte arritur, ndërsa dukej me mosbesim kur kamera e kapi atë.
E gjithë kjo pasi Roberts ka shkruar histori duke u bërë medalisti i parë olimpik në një garë ngjitjeje për ekipin e Britanisë së Madhe.
“Kam humbur fjalët. Të zbuloja se mora të artën në atë moment ishte vërtet e pabesueshme”, ka thënë fillimisht Roberts për BBC.
“Ai (Sorato Anraku) është një ngjitës tepër i fortë, është çmenduri sa i fortë është. Ai dukej sikur ishte pak nervoz, por ai është një djalë i jashtëzakonshëm”.
“Unë kam qenë duke u stërvitur për këtë moment për gjithë jetën time. Nuk di vërtet çfarë të mendoj tani, por imagjinoj se më vonë do të ketë një vërshim emocionesh dhe unë do të kuptojë se është një objektiv për të cilin jam stërvitur për 10 vjet në thelb”, përfundoi ai.
