F.B.
Vedat Muriqi po përgatitet t’i japë lamtumirë aventurës së tij në La Liga me Mallorca dhe të rikthehet të luajë sërish në Turqi pas katër vitesh.
Sulmuesi i Kosovës arriti të jetë një nga armët më të rëndësishme të golave të skuadrës gjatë kohës së shëndoshë në Mallorca, ku luajti për 2 sezone e gjysmë.
Megjithatë, këtë verë ka pasur një zhvillim të nxehtë për Muriqin, emri i të cilit përmendej herë pas here me ekipet e Superligës së Turqisë dhe tani një transferim duket se do të ndodh përfundimisht.
Sipas mediumit turk Aksam, Muriqi ka vendosur të kthehet në Turqi me fanellën e Besiktasit, duke arritur një marrëveshje për kontratë dyvjeçare.
Gjithashtu thuhet se nëse Besiktasi nuk ka mundësi të blejë sulmuesin 30-vjeçar prizrenas, ata mund ta marrin atë në huazim.
Në Besiktas po numërohen ditët që Jackson Muleka dhe Vincent Aboubakar të largohen nga skuadra në këtë verë.
Kështu drejtuesit e klubit duan t’i besojnë rotacionin e qendërsulmuesit Ciro Immobiles, Vedat Muriqit dhe talentit të tyre të ri, Mustafa Erhan Hekimoglu.
Muriqi ka 87 ndeshje me fanellën e Mallorcas. Qendërsulmuesi kosovar ka kontribuar në këtë rezultat me 28 gola dhe 9 asistime për ekipin e tij në këto ndeshje.
Vlera aktuale e yllit të Dardanëve në treg është përcaktuar 12 milionë euro.