F.B.
Kampionati Europian “Gjermania 2024” do të fillojë sonte me ndeshjen hapëse që luhet mes Gjermanisë dhe Skocisë në “Allianz Arena”, mefillim nga ora 21:00.
Me nisjes e “EURO 2024” do të nisin zbatimin edhe disa rregulla të reja, të cilat do të përdoren për herë të parë në kuadër të këtij turneu.
Katër nga rregullat më të reja, dhe do të shtjellojë secilën nga to, veç e veç.
Së pari, sistemi gjysmë-automatik i VAR-it do të përdoret për herë të parë në ndonjë Kampionat Europian, pasi implementimi i tij tashmë ka nisur në Ligën e Kampionëve.
Ky sistem është një përmirësim i VAR-it, që do të thotë se vija e pozitës jashtëloje do të bëhen në mënyrë automatike.
Kjo mënyrë e shikimit të pozitës jashtëlojë do të reduktojë kohën e humbur, nga 70 sekonda në 25 sekonda.
Rregullë tjetër e re është se vetëm kapitenit do t’i lejohet t’i afrohet gjyqtarit të ndeshjes për pyetur dhe interesuar rreth vendimeve të gjyqtarit.
Nëse portieri është kapiten i skuadrës, atëherë një lojtar do të nominohet nga skuadra për t’u përballur me gjyqtarin.
Nëse ndokush tjetër tenton t’i afrohet gjyqtarit për të debatuar me të, ai do të ndëshkohet me karton të verdhë.
Për rregullin e tretë, një mikroçip do të vendoset brenda topit të “EURO 2024”.
Ky çip do t’i bëj me dije gjyqtarit se kur është prekur topi, duke e bërë më të lehtë për të kur topi preket me dorë.
Rregulli i katërt ka të bëj me minutat shtesë.
Në Premier League e çdo ligë tjetër europiane ka pasur shumë minuta shtesë në përfundim të dy pjesëve, duke bërë që të përjetojmë emocione të mëdha në rast të ndonjë goli në minutat e fundit të takimit.
Mirëpo, në “EURO 2024”, minutat shtesë do të jenë siç kanë qenë gjithmonë, në rrethana normale.
Finalja e “EURO 2024” do të luhet me 14 korrik në “Olympiastadion” në Berlin.
