Presidenti i Shteteve të Bashkuara të Amerikës, Joe Biden ka vendosur që ta konsiderojë si emergjencë kombëtare, situatën me korrupsionin dhe sigurinë në Ballkanin Perëndimor. Ai ka nënshkruar Urdhrin Ekzekutiv që ishte nënshkruar nga ish-presidenti George Bush në vitin 2001, kundër të gjithë atyre që po prishin rendin publik në Ballkan.
Urdhri ekzekutiv i 26 qershorit 2001, i firmosur nga presidenti George W. Bush, kishte në fokus personat që për kohën vlerësoheshin se po destabilizonin Ballkan, kryesisht nëpërmjet nxitjes së konflikteve ndërshtetërore, si në Kosovë, Maqedoni apo Bosnjë-Hercegovinë.
Në një urdhër të përditësuar 20 vite më vonë, më 8 qershor 2021, urdhri ekzekutiv nr. 14033, presidenti Biden e plotësoi deklaratën origjinale duke shtuar edhe elementin e korrupsionit si një “rrezik i jashtëzakonshëm për sigurinë kombëtare dhe politikën e jashtme të Shteteve të Bashkuara”.
Në Urdhrin e atëhershëm ekzekutiv dhe të vazhduar edhe nga Biden, përmenden personave që janë përfshirë, ose mbështesin dhunën në Maqedoninë e Veriut duke përmendur Marrëveshjen e Ohrit, për ata që pengojnë Marrëveshjen e Dejtonit në Bosnjë dhe Hercegovinë dhe stabilizimi në Kosovë.
“Më 8 qershor 2021, nënshkrova Urdhrin Ekzekutiv 14033, i cili zgjeroi fushën e emergjencës kombëtare të shpallur në Urdhrin Ekzekutiv 13219, të ndryshuar, duke konstatuar se situata në territorin e ish-Jugosllavisë dhe Republikës së Shqipërisë ( Ballkani Perëndimor), gjatë dy dekadave të fundit, duke përfshirë minimin e marrëveshjeve dhe institucioneve të pasluftës pas shpërbërjes së ish- Jugosllavisë, si dhe korrupsionit të përhapur brenda qeverive dhe institucioneve të ndryshme në Ballkanin Perëndimor, që pengon përparimin drejt qeverisjes efektive dhe demokratike dhe integrimit të plotë në institucionet transatlantike, dhe në këtë mënyrë përbën një kërcënim të pazakontë dhe të jashtëzakonshëm për sigurinë kombëtare dhe politikën e jashtme të Shteteve të Bashkuara”, thuhet në Urdhrin e Biden dërguar Senatit për miratim.
Për këtë arsye, presidenti Biden thotë se Urgjenca Kombëtare duhet të vazhdojë edhe pas datës 26 qershor 2024.
“Prandaj, në përputhje me neni 202 i Aktit Kombëtar të Emergjencave (50 U.S.C. 1622(d)), po vazhdojë për 1 vit Urgjencën Kombëtare të shpallur në Urdhrin Ekzekutiv 13219 në lidhje me Ballkanin Perëndimor”, shkruan Biden në letrën e botuar nga në Regjistrin Federal dhe e cila do t’i tansmetohet Kongresit.
