Sulmet izraelite kanë lënë të paktën 20 palestinezë të vrarë në Rafah të Gazës, ndërsa bisedimet e reja të armëpushimit priten të mbahen në Kajro.
Sulmet ajrore izraelite në tri shtëpi në qytetin jugor të Gazës, Rafah, vranë të paktën 20 palestinezë dhe plagosën shumë të tjerë, njoftuan zyrtarët shëndetësorë të hënën, ndërsa ndërmjetësit Egjiptit dhe Katarit pritej të zhvillonin një raund të ri bisedimesh për armëpushim me udhëheqësit e Hamasit në Kajro.
Sulmet në Rafah, ku më shumë se një milion njerëz po kërkojnë strehim, ndodhën disa orë përpara se Egjipti të priste liderët e grupit islamik Hamas për të diskutuar perspektivat për një marrëveshje armëpushimi me Izraelin.
Izraeli është zotuar të zhdukë Hamasin, i cili kontrollon Gazën, në një operacion ushtarak që ka vrarë më shumë se 34,000 palestinezë, 66 prej tyre në 24 orët e fundit, sipas autoriteteve shëndetësore të Gazës. Lufta ka zhvendosur shumicën e popullsisë 2.3 milionëshe dhe ka shkatërruar pjesën më të madhe të enklavës.
Të dielën, zyrtarët e Hamasit thanë se një delegacion i kryesuar nga Khalil Al-Hayya, zëvendës-shefi i grupit në Gaza, do të diskutojë një propozim armëpushimi të dorëzuar nga Hamasi ndërmjetësuesve nga Katari dhe Egjipti, si dhe përgjigjen e Izraelit. Ndërmjetësuesit, të mbështetur nga Shtetet e Bashkuara, kanë shtuar përpjekjet e tyre për të përfunduar një marrëveshje.
Një burim i informuar për bisedimet i ka thënë agjencisë së lajmeve Reuters se Hamasi pritet t’i përgjigjet propozimit të fundit për armëpushim të Izraelit, të dorëzuar të shtunën.
Burimi tha se kjo përfshinte një marrëveshje për të pranuar lirimin e më pak se 40 pengjeve në këmbim të lirimit të palestinezëve të mbajtur në burgjet izraelite dhe në një fazë të dytë të një armëpushimi që përfshin një “periudhë armëpushimi të qëndrueshëm”
Pas fazës së parë, Izraeli do të lejojë lëvizjen e lirë ndërmjet Gazës jugore dhe veriore dhe një tërheqje të pjesshme të trupave izraelite nga Gaza, thotë burimi.
