F.B.
Sonte zhvillohen ndeshjet kthyese të çerekfinales së Ligës së Evropës.
Ndeshja më e fortë e natës do të jetë ajo mes dy ekipeve italiane, Romës e Milanit.
Romakët i presin kuq e zinjtë me epërsinë e një goli, të cilin e kishte realizuar mbrojtësi Mancini.
Liverpooli ka punë të madhe për të bërë në ndeshjen e sotme në udhëtim te Atalanta, pasi duhet ta kthej disvantazhin prej 0:3.
Ekipi anglez u turpërua në shtëpi nga ai italian dhe tash ka shumë punë në ndeshjen kthyese.
Golat për Atalantën i realizuan Scamacca dy herë dhe një Pasalic.
Kampioni më i ri i Bundesligaës, Bayer Leverkusen shkon në Londër me epërsi komode për tu takuar me West Ham United.
Gjermanët në ndeshjen e parë të luajtur në shtëpi shënuan fitore prej 2:0.
Golat u realizuan nga Hofmann e Boniface në shtatë minutat e fundit të sfidës.
Takimi i fundit i natës është mes Benficas e Marseille. Portugezët shkojnë në francë me avantazhin prej 2:1.
Silva e Di Maria realizua për fitoren e Benficas, derisa për Marseille, golin e vetëm e shënoi Aubameyang.
Në gjysmëfinale do të takohen fituesi i sfidës mes Milanit e Romës me atë Bayer Leverkusenit e West Hamit.
Kurse, fituesi i ndeshjes Benfica – Marseille e pret fituesin mes Liverpoolit e Atalantas.
Të katër duelet e natës së sotme nisin nga ora 21:00.
