F.B.
Futbollisti jug-afrikan, Luke Fleurs është qëlluar për vdekje në një veturë të rrëmbyer në Johannesburg.
Kaizer Chiefs, klubi i deridjeshëm i mbrojtësit, e ka konfirmuar lajmin tragjik në rrjetet sociale.
Ata e kujtuan 24 vjeçarin dhe e ngushëlluan familjen dhe miqtë e tij, shkruan “Mirror”, përcjell “Gazeta Express”.
“Me dhimbje të madhe ju njoftojmë se futbollisti i Kaizer Chiefs, Luke Fleurs tragjikisht e humbi jetën mbrëmë gjatë një incidenti rrëmbimi në Johannesburg. Mendimet dhe lutjet tona shkojnë për familjen dhe për miqtë në këtë periudhë të vështirë. Shpirti i tij pushoftë në paqe”, shkroi klubi jug-afrikan.
Ylli i Kaizer Chiefs, u qëllua për vdekje në një grabitje makinash në periferi të Johannesburgut, ndërsa mbrojtësi ishte duke pritur në një pikë karburanti.
24 vjeçari kishte luajtur në klubet Ubuntu Cape Toën e SuperSpot United para se të transferohej vitin e kaluar tek Kaizer Chiefs.
Ai ka luajtur për Afrikën e Jugut U-17 dhe për Afrikën e Jugut U-23.
