F.B.
Prishtinasit edhe në finalen e dytë të “Play-off”-it kanë mundur New Basket, kësaj radhe me shifrat 71:97 (17:19, 23:30, 11:25, 20:23).
Çereku i parë ishte i barabartë, duke përfunduar me dy pikë epërsi nga mysafirët, që ishin më të mirë në periudhën e dytë e të tretë, derisa në dhjetë minutat e fundit ruajtën epërsinë dhe fituan 71:97.
New Basket do të luajë në “Play-out” me Proton Cable Prizrenin, për një vend në elitën e basketbollit.
Medaljet e arta dhe të argjendta i kanë ndarë Artan Kurti, Nënkryetar i Federatës së Basketbollit të Kosovës dhe Rrahman Përteshi, anëtar i Bordit të Federatës së Basketbollit të Kosovës.
Çmimi MVP i ka takuar Tyus Jefferson, i cili finalen e mbylli me 26 pikë, 14 kërcime e gjashtë asistime, derisa çmimin ia ka dhuruar Artan Kurti.
Në fund, Kryetari i FBK-së, Arben Fetahu i ka dhuruar kapitenit të Bora-s, Dion Haxhosajt, trofeun e kampionit për Ligën e Parë.
Bora përfundoi edicionin pa asnjë humbje, duke fituar edhe Kupën e Kosovës.
