F.B
Policia ka bllokuar qarkullimin në një pjesë të Rrugës “B”, në Prishtinë. Bllokimi është bërë pas pranimit të një informate se aty gjendet një mjet i dyshimtë.
ADVERTISEMENT
Lajmin për RTKlive e ka konfirmuar zëdhënësja e policisë për rajonin e Prishtinës, Flora Ahmeti.
“Rreth orës 20:30 është pranuar informata për dyshimet që ndërlidhen me një mjet të dyshimtë në rrugën “B” në Prishtinë. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka thënë Ahmeti.
