Kryetari i Partisë Demokratike të Kosovës, Memli Krasniqi sot në 16-vjetorin e pavarësisë së Kosovës bëri homazhe te Komplekset Memoriale në Prekaz e Marinë, për të nderuar veprën heroike të Komandantit Legjendar Adem Jashari dhe familjes së tij, si dhe të gjithë dëshmorëve që u flijuan për liri.
“Në zemër të Kosovës – në Drenicë, sot me kolegë e bashkëpunëtorë nga Partia Demokratike e Kosovës, me rastin e shënimit të 16 vjetorit të Pavarësisë, bëmë homazhe te Komplekset Memoriale në Prekaz e Marinë, për të nderuar veprën heroike të Komandatit Legjendar Adem Jashari dhe familjes së tij, si dhe të gjithë dëshmorëve që u flijuan për liri”, shkruan Krasniqi në Facebook.
Ai tha se ditët e bardha që i gëzojmë tashmë një çerek-shekull, dhe Republika e Kosovës si shtet i pavarur e demokratik, kanë lindur mbi sakrificën e tyre dhe mijëra dëshmorëve e martirëve të tjerë, që dhanë jetën për atdhe.
“Mirënjohjen për veprën e tyre sublime, nuk mund ta shprehim ndryshe, përveç me përkushtim, angazhim e punë të mira për vendin. E përjetshme është lavdia për të gjithë të rënët për liri! E përjetshme është Kosova jonë!
