F.B.
Në përvjetorin e 70 të UEFA-s, presidenti Aleksander Ceferin foli edhe njëherë në lidhje me Superligën. Numri një i UEFA-s, theksoi se të gjitha klubet janë të lira t’i bashkohen projektit të Superligës, apo ashtu siç e quajti Ceferin, “Zombie League”.
“Secili klub është i lirë t’i bashkohet një kompeticioni tjetër nëse dëshiron. Askush nuk mund t’i ndalojë dhe askush nuk iu ka thënë se është e ndaluar.
Mund të bëjnë çfarë të duan dhe t’i bashkohen “Zombie League”.
Kështu e quajnë tifozët anglezë ndërsa ka nga ata që e quajnë edhe “Pleonexia League”. Pleonexia, është dëshira për të pasur gjithnjë e më shumë para, fuqi, prestigj dhe për ata që e konsiderojnë veten superior.
Kjo fjalë përdoret për ata që kanë shumë dhe nuk iu intereson për të tjerët. Ata hiqen si më të mirët edhe kërkojnë të përfitojnë gjithnjë edhe nëse e shkatërrojnë pjesën tjetër. Prandaj janë të rrezikshëm, por tifozët e futbollit nuk janë budallenj. Tifozët e dinë se futbolli nuk është në shitje, por ëndrrat nuk mund të blihen”, u shpreh Ceferin.
