F.B.
Është shtyrë seanca e shqyrtimit fillestar në rastin ndaj katër zyrtarëve të Lëvizjes Vetëvendosje për hedhjen e gazit lotsjellës në Kuvendin e Kosovës më 21 mars 2018. Seanca është shtyrë për 28 shkurt.
Xhelal Sveçla, Salih Zyba, Drita Millaku dhe Fitore Pacolli-Dalipi, gjatë periudhës si deputetë të VV-së akuzohen se me hedhjen e gazit lotsjellës kanë kryer veprën penale të “përdorimit të armës ose mjetit të rrezikshëm” dhe “pengimit të personave zyrtarë në kryerjen e detyrave zyrtare”.
ADVERTISEMENT
Aktakuza ishte ngritur nga Prokuroria Themelore në Prishtinë më 29 korrik 2019. Arsye e shtyrjes ka qenë mungesa e Drita Millakut.
