F.B.
Hendbollistja e Istogut, Dajana Milijanic, pritet që karrierën ta vazhdojë në Sllovaki te skuadra Iuventa Michalovce.
Njoftimi ka ardhur nga skuadra kosovare.
“Ky edicion do të jetë i fundit për Dajana Milijanic tek Istogu ngase në edicionin 2024/2025 Dajana do të paraqitet tek skuadra kampione e Sllovakisë Iuventa Michalovce të cilën Istogu e kishte për kundërshtar në roundin e tretë të kupës së Evropës e ku ra në sy hendbollistja jonë Dajana Milijanic, tek Iuventa do të paraqitet në dy vitet ardhshme, kampionia sllovake vitin e kaluar luajti në gjysmëfinale të EHF Evropa Cup ndërsa këtë vit është në 1/8 e finales me pretendime të mëdha”, ka shkruar Istogu në një komunikatë. “Dajana me Istogun ka fituar plotë gjashtë trofe, dy tituj të kampionit dy kupa të Kosovës dhe dy superkupa, me synime të qarta ta përfundoj me Istogun edhe me dy trofetë e radhës. Ky është transferi më i madh në hendbollin femëror në vëndin tonë deri më tani”.
