Ministri i Mjedisit, Planifikimit Hapësinor dhe Infrastrukturës, Liburn Aliu, në konferencën për media pas mbledhjes së Qeverisë ka premtuar përfundimin e disa rrugëve këtë vit.
“Do të arrijmë t’i përmbyllim projektet si ajo Prishtinë-Gjilan”, ka thënë ai, teksa ka përmendur edhe rrugën Prishtinë – Podujeva, autostradën Gjilan – Dheu i Bardhë dhe Drenas-Skenderaj e Dollc-Gjakovë.
Gjithashtu ka shtuar se Qeveria e ka prioritet hapjen e korridoreve ajrore me Malin e Zi dhe se synojnë digjitalizimin e plotë të dhënies së patentë-shoferëve.
Aliu ka shtuar se kanë paguar 120 milionë euro të projekteve të viteve të kaluara nga shpronësimet.
“Vetëm në fushën e pronave private i kemi pasur mbi 102 milion euro borxh, dhe nga këto kanë mbetur më pak se 17 milionë euro”, ka thënë Aliu.
