Një anëtar i Gardës Revolucionare të Iranit është vrarë në një sulm raketor izraelit në Siri të shtunën, raporton Reuters.
Sipas një deklarate të Gardës Revolucionare, Amin Samadi “ra si martir pasi ishte në mesin e të plagosurve në krimin e sotëm terrorist sionist në Damask”.
Përveç Samadit, më herët Irani ka konfirmuar se katër anëtarë të Gardës së tij Revolucionare janë vrarë në sulmin raketor të së shtunës në Damask. Disa anëtarë të forcave të armatosura siriane u vranë gjithashtu, tha Korpusi i Gardës Revolucionare të Iranit (IRGC) në një deklaratë, të raportuar nga Al Jazeera.
Al Jazeera shtoi se televizioni shtetëror iranian e kishte quajtur atë një sulm “terrorist” nga Izraeli. Organizata e lajmeve raporton gjithashtu se një nga të vrarët e IRGC-së besohet të jetë kreu i departamentit të inteligjencës së forcës Quds, njësia më elitare e IRGC-së.
Rrjeti shtetëror iranian i lajmeve, Press TV, publikoi pamjet që tha se shfaqnin “shkatërrimin e gjerë” të shkaktuar nga sulmi në lagjen Mazzeh të shtunën.
