F.B.
Trajneri i Tanzanisë, Adel Amrouche, është suspenduar për pjesën e mbetur të ndeshjeve të Kupës së Kombeve të Afrikës për shkak të komenteve fyese në adresë të Marokut.
Të mërkurën Maroku ka fituar ndaj Tanzanisë me rezultat 3-0.
Amrouche kishte thënë se Maroku kishte shumë ndikim në korridoret e pushtetit në futbollin afrikan dhe po ndikonte në emërimin e gjyqtarëve.
Federata e Futbollit të Tanzanisë ka thënë se Komiteti disiplinor i Konfederatës së Futbollit Afrikan (CAF) e ka suspenduar trajnerin Amrouche për tetë ndeshje pas një ankese të paraqitur nga Maroku.
“Si rezultat i këtij vendimi, Hemed Morocco është emëruar ushtrues detyre i trajnerit dhe ai do të ndihmohet nga Juma Mgunda”, ka thënë zëdhënësi i TFederatës së Futbollit të Tanzanisë, Clifford Mario Ndimbo.
