F.B.
Kampionja olimpike, Majlinda Kelmendi, trajnere, e udhëhoqi kampin për mrekulli në Itali.
Driton Kuka, selektor i kombëtares së Kosovës në xhudo, tha se janë fazën finale.
“Pas dy javë në Kampet Stërvitore në Itali dhe Austri ekipi po u kthehet detyrave të shtëpisë si dhe garave për Kualifikim në Lojëra Olimpike!
Në Itali kampin me rreth 1500 garues e udhëhoqi Kampionja jonë Olimpike (Majlinda Kelmendi), kurse në Kampin Olimpik në Austri pos përgatitjeve komisioni i trenerëve të Federatës Evropiane bashkë me mua si pjesë e saj analizuam garat, kampet stërvitore, rregullat e xhudos dhe shumë tema me interes për avancimin e sportit tonë.
Ekipi ynë Olimpik tashmë po hyn në fazën finale dhe koha që të punohet shumë dhe me përkushtim!
Disa punuan mirë e disa si duket i ka zënë pak gjumi dimëror pak!”, ka shkruar Kuka në profilin e tij në facebook.
